QidfaaFestival
عطني زراعه
عطني زراعه و أنا بضمن لك حضاره
قالها زايد و من شرواة زايد
حكمته خلت وطنا في الصداره
الرخا سايد و جو الامن سايد
كلمة تغني عن الدرس و حواره
وعن علوم وًعن بحوث و عن شهايد
الزمن ساسه و عصره و ازدهاره
والأمم عاشت على زرع و حصايد
و الزراعه دربها يبقى مساره
فيه خير وفيه ربح و به فوايد
و لا هذا اليوم جينا عن جداره
لجل حفل فيه ما توفي القصايد
مهرجان اسمه يوافق شعاره
فدفع لها وقت و حضور و موايد
بالنخيل اللي زهت في كل حاره
تشبع اللافي كرم ما هي زهايد
تجري مياه الخصب من كل قاره
يوم كل يشكي محول و شدائد
كم بستان زهى لونه و خضاره
عم محصوله و فيه الخير جايد
ما شكو في قدفع امحول و خساره
ناس اتربوا على طيب العوايد
شاهده اسبلهم على الدهر و عماره
و الضيوف اللي ضووا و الوقت كايد
لو بوصف يعجز الحرف و مداره
كل ما بكتب سطر يلفي مزايد
يسعد الله هالمسا و أهله وداره
من بحور الشعر نهديكم قلايد
حمدت الله رب العالمين
على يودن بعد غيبة سنين
سرا الوسمي وبراقه لواضي
مزونن، مدهمات وشوف عين
جنوبي راس خيمه هل ماه
على السحاب وأطراف البطين
ونيد سرور من سيله تقطع
كأنه ما خطفوه الماشيين
وسال ابراق والشوكي تملى
ووادي اصفي سواله حنين
وبين غيله ف كل الفيوي
غديرن عذب سر الناضرين
وثار العشب في كل الجهات
تخالط نبته بلونن حسين
كأنه اليوم عود به زمانه
على حسب الرواة الذاكرين
و ثار (الكوثر ) يداعب نسيمه
مع (الشكاع ) و (اليعده) تزين
وفاح (الصخبر ) بزاكي اريجه
وغصن (الفاغي ) اطرافه تلين
وناض (الليبد ) وغطا المكان
وزايد ع (الغمير ) بكل زين
وثمار (الحنك) له ذوقن و بنه
(صخم) و(القطب) ع ايسار ويمين
و(للحرشا) مناظر زاهيات
واهالي الذود فيه امرتعين
وزها ( اللقاط) و(العصمط ) براله
مع (الخشفا )و (لغب) صوره تبين
وسلام الله على (الغوبان ) زاخر
وفوع (القضب ) يملي الراحتين
(دخنه) و(مخوص) تشوق العيون
ومن (لمرار) سو لك صرتين
وهذي (افويغة البوش) اتمايل
و (غشار )ايشار الها باليمين
ويانب (للينم) (هف و طهف )
و(للحفرا ) خضار و وردتين
و (للحماض ) ذوقن يا حلاه
تعنوا له ربوع مشفقين
ويا عيني على شوف (الرقاه)
تدلك (للزبيديه ) في حين
و في (الحرمل) وفي (العشرق) علاج
تداوو به أهلنا لولين
وعليها (خزيمة الظبي )المثايل
تبشر بالخصب للفاهمين
واذا تنشد عن اكسور العظام
فهذا (اسريو ) وصف امجبرين
وعودني على (النزاع) عوده
قضيمه من هوى الشرتا يلين
و(للسيداف) نظره وابتهال
و(للارطا) مواطي ماتشين
وعاينت (المرخ ) و (الخرمان)
وعاينت (الظفر ) يالطيبين
وزان (المهتدي ) في كل لون
ومال أمن (القصد) عودن لدين
وع (العسبج )وع (العرفج ) سلام
وشوفك (يالعتر) يشفي الحزين
وفي(الخنصور )و(الشوع )الوصوف
وعودك (يالحبن ) له ظلتين
وتمايل (يالشحس) وأن هب نود
تغريف في دروب السايرين
ويسرحبي خيالي ف الوجود
يعديبي ولا ادري وين وين
عطني زراعه
عطني زراعه و أنا بضمن لك حضاره
قالها زايد و من شرواة زايد
حكمته خلت وطنا في الصداره
الرخا سايد و جو الامن سايد
كلمة تغني عن الدرس و حواره
وعن علوم وًعن بحوث و عن شهايد
الزمن ساسه و عصره و ازدهاره
والأمم عاشت على زرع و حصايد
و الزراعه دربها يبقى مساره
فيه خير وفيه ربح و به فوايد
و لا هذا اليوم جينا عن جداره
لجل حفل فيه ما توفي القصايد
مهرجان اسمه يوافق شعاره
فدفع لها وقت و حضور و موايد
بالنخيل اللي زهت في كل حاره
تشبع اللافي كرم ما هي زهايد
تجري مياه الخصب من كل قاره
يوم كل يشكي محول و شدائد
كم بستان زهى لونه و خضاره
عم محصوله و فيه الخير جايد
ما شكو في قدفع امحول و خساره
ناس اتربوا على طيب العوايد
شاهده اسبلهم على الدهر و عماره
و الضيوف اللي ضووا و الوقت كايد
لو بوصف يعجز الحرف و مداره
كل ما بكتب سطر يلفي مزايد
يسعد الله هالمسا و أهله وداره
من بحور الشعر نهديكم قلايد
حمدت الله رب العالمين
على يودن بعد غيبة سنين
سرا الوسمي وبراقه لواضي
مزونن، مدهمات وشوف عين
جنوبي راس خيمه هل ماه
على السحاب وأطراف البطين
ونيد سرور من سيله تقطع
كأنه ما خطفوه الماشيين
وسال ابراق والشوكي تملى
ووادي اصفي سواله حنين
وبين غيله ف كل الفيوي
غديرن عذب سر الناضرين
وثار العشب في كل الجهات
تخالط نبته بلونن حسين
كأنه اليوم عود به زمانه
على حسب الرواة الذاكرين
و ثار (الكوثر ) يداعب نسيمه
مع (الشكاع ) و (اليعده) تزين
وفاح (الصخبر ) بزاكي اريجه
وغصن (الفاغي ) اطرافه تلين
وناض (الليبد ) وغطا المكان
وزايد ع (الغمير ) بكل زين
وثمار (الحنك) له ذوقن و بنه
(صخم) و(القطب) ع ايسار ويمين
و(للحرشا) مناظر زاهيات
واهالي الذود فيه امرتعين
وزها ( اللقاط) و(العصمط ) براله
مع (الخشفا )و (لغب) صوره تبين
وسلام الله على (الغوبان ) زاخر
وفوع (القضب ) يملي الراحتين
(دخنه) و(مخوص) تشوق العيون
ومن (لمرار) سو لك صرتين
وهذي (افويغة البوش) اتمايل
و (غشار )ايشار الها باليمين
ويانب (للينم) (هف و طهف )
و(للحفرا ) خضار و وردتين
و (للحماض ) ذوقن يا حلاه
تعنوا له ربوع مشفقين
ويا عيني على شوف (الرقاه)
تدلك (للزبيديه ) في حين
و في (الحرمل) وفي (العشرق) علاج
تداوو به أهلنا لولين
وعليها (خزيمة الظبي )المثايل
تبشر بالخصب للفاهمين
واذا تنشد عن اكسور العظام
فهذا (اسريو ) وصف امجبرين
وعودني على (النزاع) عوده
قضيمه من هوى الشرتا يلين
و(للسيداف) نظره وابتهال
و(للارطا) مواطي ماتشين
وعاينت (المرخ ) و (الخرمان)
وعاينت (الظفر ) يالطيبين
وزان (المهتدي ) في كل لون
ومال أمن (القصد) عودن لدين
وع (العسبج )وع (العرفج ) سلام
وشوفك (يالعتر) يشفي الحزين
وفي(الخنصور )و(الشوع )الوصوف
وعودك (يالحبن ) له ظلتين
وتمايل (يالشحس) وأن هب نود
تغريف في دروب السايرين
ويسرحبي خيالي ف الوجود
يعديبي ولا ادري وين وين
